Shpija e Kosoves

“Zoti i Shpisë”, kësaj radhe Albulena Gjinajt i bëri një befasi shumë të mirë. Ajo pas pesë javësh qëndrimi në “Shpi”, pati mundësi ta shoh babain dhe shoqen e saj më të ngushtë. Sot banorët e “Shpisë”, festuan edhe festën e Krishtlindjes, me ç’rast të gjithë banorët uruan besimtarët e krishterë për festën e Krishtlindjes.

Sot në shtëpinë e Kosovës pati një atmosferë shumë të mirë, sepse ishte nata e krishtlindjes dhe të gjithë banorët ishin mjaftë të angazhuar për këtë festë. Njëra nga banoret e “Shpisë”, Albulena Gjinaj i përket fesë katolike dhe për të ishte përgatitur një befasi nga “Zoti i Shpisë”, ku në “Shpij”, kishte futur babanë e Albulenës dhe shoqen më të ngushtë të saj, të cilët për disa orë të tëra qëndruan në shtëpinë e Kosovës, me ç’rast babai i Albulenës u ndihmojë banorëve rreth përgatitjes së darkës.

Me këtë befasi u duk qartë se Albulenës iu bë shumë qejfi për këtë befasi, e sidomos kur dihet se pikërisht për festën e Krishtlindjes asaj ju realizua dëshira që t’i takojë të afërmit e saj, sepse për thuajse pesë javë ajo nuk ka takuar askënd të familjes.

Me këtë rast të gjithë banorët me anë të një letre, të cilën e kishin përgatitur më herët uruan të gjithë besimtarët krishterë për festën e Krishtlindjes.

Fjalimi i Zigridit ishte shumë prekëse, sepse u vërejt qartë se ai është mërzitur shumë për djalin e tij të vogël. Po ashtu edhe fjalimi i Sasës ishte tepër emocionues dhe me shumë lot. Ajo në letrën e saj e përshëndeti edhe nënën e saj biologjike, e cila e ka braktisur që nga mosha dy vjeçare, por siç thuhet zemra kurrë nuk e harron nënën e saj. Po ashtu Sasa falendëroj me gjithë qenien e saj njerkën e saj, e cila e ka rritur dhe asnjëherë nuk ka bërë dallime, sepse ajo gjithmonë e ka konsideruar Sasën si vajzën e saj.